هو فيه حاجه؟؟؟؟؟؟؟

أنا هحاول اكتب كلمتين اعرض فيهم شوية حاجات عاوزكم تقولولى ايه رايكم فيها بعد ما تخلصوا ومحدش يبلغ عنى . ههههههه.

توكلنا على الله نقول بقه وربنا معانا ومحدش يفهمنى صح
بسم الله
منيش عاوز خلاص حاجه ، ولا محتاج انا الحاجه ، ولو حتى عاوز حاجه ، مخليتوليش ولا حاجه ، أنا مبخافش من حاجه ، ومش مسنود ولا حاجه ، لكن مبخافش من حاجه ، لأنى لو هقول حاجه ، هيحصل ايه؟ ولا حاجه ، هيعملو ايه؟ ولا حاجه ، وبعد الشر بعد الشر لو واحد من القاعدين من السامعين من الضالين فهم حاجه ، هيعملو ايه؟ أكيد برده ولا حاجه ، فنتوكل على الستار ولجل الله نقول حاجه ، لكن دى حاجه محتاجه عقول تفهم ، ولو حاجه مش مفهومه أو حاجه ، نوضحها بكم حاجه ، نفسرها بكم حاجه ، وأهى حاجه على حاجه ، هتظهر وتبان لنا حاجه ، فيه ناس بتعيش علشان حاجه ، وناس بتموت علشان حاجه ، وناس بتموت على الحاجه ، وناس تديلك الحاجه وهى ايديها محتاجه ، وناس تديلك الحاجه وتاخد فوقها ميت حاجه ، وناس تكبر تكون حاجه ، وناس تصغر علشان حاجه ، وناس منظر ولاحاجه ، وتلقى كبير حرس ونفير عليه منظر وهو جبان وشيخ منصر ولا يبانشى عليه حاجه .
كلامى يا خلق فيه حاجه؟ ، لحد الوقتى فيه حاجه؟ ،كلام عادى وبسيط جدا ولا فيهشى ولا حاجه ، ما انا مقدرشى اقول حاجه ، لانى لو هقول حاجه ، هييجى ناس بتوع حاجه ، وياخدونى ورا الحاجه ، وهو لو سمع حاجه ، هيعملهالى ميت حاجه ، وبتقول ايه؟ حرامى ايه؟وهرب ايه؟ ده كله كلام مفيش حاجه ، وخصخصو ايه؟ ومصمصو ايه؟ شفافيه مفيش حاجه .
سمعمع هوس.أنا حاسس ده فيه حاجه ، زمانكم يا خلق فيه حاجه ، ولازمه كام وميت حاجه ، ده إذا كان فيه حاجه ، أنا عن نفسى مفيش حاجه ، سيادتك برده مش زييى مفيش حاجه؟ ، جنابك برده مش زيه علشان زييى مفيش حاجه؟ ، ورب الخلق يا اخواننا مفيه حاجه ، ورحمة ابويا ويا ابوك على اللى جابوك مفيه حاجه ، وعهد الله وعهد الله مخلولنا ولا حاجه ، خلاص خلصت يالله يااخواننا مفييش حاجه .

عدد المساهمات : 6 تاريخ التسجيل : 17/06/2009

انا هعمل نفسى ماشفتش حاجه وكأن اللى انت كاتبه ده ولا حاجه علشان انا بخاف من اقل حاجه ولا ايه رأيك

اقولك حاجه هو يعنى ايه اللى هيحصل اكتر من كده بيتهيئلى اكتر من كده مافيش حاجه تعليم ماعدتش بينفع بحاجه و.......... كله بقا ولا حاجه

بس انا عندى سؤال ايه رأيكم مين السبب فى كل حاجه وخلاها مابقتش ولا حاجه اقولك انا شايف ان الكلام مابيعملش حاجه بس هنعمل اللى علينا وهو اى حاجه

يلا حد عاوز منى حاجه

مافيش حاجه

للشاعره ايمان بكرى

كله علشان خاطر عيونك ياليلتى

بعد الشر بعد الشر لو واحد من القاعدين من السامعين من الضالين فهم حاجه ، هيعملو ايه؟ أكيد برده ولا حاجه ، فنتوكل على الستار لوجه الله نقول حاجه

» ليه كل حاجه نحبها نتوقع ضياعها ؟؟؟