theblackhand
عدد المساهمات : 16 تاريخ التسجيل : 26/05/2009 العمر : 36
| موضوع: يلا نشوف احوالنا عامله ازاى ؟!!!!! الإثنين 22 يونيو 2009, 8:03 pm | |
| أنا هحاول فى الموضوع ده أعمل حاجه زى استفتاء وعاوز الكل يشارك مصرى وغير مصرى علشان برده نشوف صورتنا شكلها ايه بره وهبتدى بنفسى مصر دى المفروض انها ام الدنيا ومحدش عارف هى غاليه عندى اد ايه وكل ما بشوف فيها حاجه بترجعها ورا بحس انى هيجيلى ازمه قلبيه حاده لو مخرجتش الكبت اللى جوايا آخر حاجه على سبيل المثال ماتش مصر وامريكا رحت اتفرج عليه على امل اننا نتفوق على امريكا فى حاجه حتى ولو هايفه لكن الامريكان قالولى بعينك نخليك تفرح بمصر الغريب اننا فى الماتشات اللى قبلها قدمنا صوره لا توصف امام البرازيل اللى انا عن نفسى بصنفهم على انهم ملوك كرة القدم بدون منازع وده كان انجاز للعرب وهزمنا بطل العالم (ايطاليا) فى سابقه لا يمكن ان نتوقعها لكن ييجى الامريكان اللى عمرهم ما لعبو كوره ويغلبونا (3-0) شىء يكسف بصراحه ويعر لكن هذه هى شيمة الامريكان لا ينوون التفوق فى مجال الا وتفوقو فيه علمت مؤخرا-ويمكن بعض الناس اللى تقرا الموضوع يكونو سمعو عن الكلام اللى هقوله ده وخصوصا عصام - ان روسيا اتفقت مع اسرائيل على ان تورد لها الاخيره شحنة طائرات بدون طيار وانظروا الى العجب روسيا التى كانت القوه الاولى امام امريكا تستعين باسرائيل تخيلو كم التكنولوجيا التى وصلت لها اسرائيل فى هذا المجال حتى اصبحت الاولى على مستوى العالم فى هذا المجال ولكن هيهات لما عرفت امريكا بالموضوع وتنبهت لخطورته بادرت بضخ مليارات الدولارات فى ابحاث هذا المجال حتى سبقت اسرائيل واصبحت امريكا الرائده ووسط هذا النزاع والشد والجذب بين الاطراف التى تسعى للسياده والتفوق فى اكبر كم من المجالات نسعى نحن الى التدنى والتاخر فى كل المجالات ونسعى الى النوم سعيا ونشاهد الموقف كالبلهاء ندلى السنتنا خارج افواهنا ونظن ان الناس تصنع المعجزات ولكن اعتقد ان المشكله اننا عرب يعنى لازم نكون امريكان او يهود حتى نتحرك اعوذ بالله من هذ المنطق الغريب ولكن على العكس تماما عندما ننظر الى الاسلام نجد انه من مبادئه التى لا مناص منها ان نسعى للقوه حتى نحمى ديننا ، وان نتفوق ونجعل عملنا فى سبيل الله حتى يعيننا الله تعالى عليه اتذكرموقف جال بخاطرى الان وهو ان النبى صلى الله عليه وسلم امر احد الصحابه- وللاسف لم يرد اسمه على ذهنى الان - ان يتعلم لغة اليهود فتعلمها فى خمسة عشر يوما كل هذا لانه امر النبى صلى الله عليه وسلم وابتغاء مرضاة الله لكن احنا ههههههه ..... إنسو مش هنوصل لثمن ما الناس دى وصلتله الا اذا تخلينا عن مطامعنا واهواءنا اللى مالهاش اخر هقول ايه ولا ايه انا تعبت كده ابقى اكمل بعدين سلام | |
|